Գյումրու Ժողովրդական Ճարտարապետության և Քաղաքային Կենցաղի Թանգարան
Գյումրու ժողովրդական ճարտարապետության և քաղաքային կենցաղի թանգարանի շենքը կառուցվել է 1872թ․ հարուստ վաճառական Պետրոս Ձիթողցյանի կողմից։ Ձիթողցյանները գաղթել են Արևմտյան Հայաստանի Ձիթող գյուղից, հիմնել են այս շենքը, որը որպես թանգարան գործում է 1984 թվականից։
Թանգարանի ցուցասրահներում ներկայացված են 19-րդ դարի 60-ական թվականներից մինչև 20-րդ դարի 20-ական թվականներն ընկած ժամանակահատվածի Ալեքսանդրապոլի առավել տարածում գտած արհեստները / դարբնություն, թիթեղագործություն, պղնձագործություն,ձուլագործություն, հյուսնություն, դերձակություն, կոշկակարություն, գդակկարություն, ոստայնանկություն, ոսկերչություն/, հասարակական կենցաղն ու հոգևոր մշակույթը։ Թանգարանի ցուցասրահներում վերականգնված են նաև գյումրեցի արհեստավորի և ունևոր խավի բնակարանների ներքնատեսքը։
Մեծ հետաքրքություն է ներկայացնում քաղաքի մակետը 1910-ական թթ․ տեսքով, որտեղ երևում են քաղաքի 7 եկեղեցիները, նշանավոր փողոցներն ու շինությունները։
ԳԺՃՔԿԹ –ին կից գործում է նաև Ս․Մերկուրովի տուն-թանգարանը։
Այստեղ ցուցադրվում են աշխարհահռչակ քանդակագործ, մոնումենտալ արվեստի վարպետ՝ Ս․Մերկուրովի աշխատանքները, նրա փաստաթղթերը,անձնական իրերը։ Ցուցադրությունում առանձնահատուկ տեղ են զբաղեցնում ճանաչված մարդկանց ՝ Հ․ Թումանյանի, Խրիմյան Հայրիկի, Տոլստոյի, Լենինի, Մայակովսկու և այլոց հետմահու դիմակները։
Աշխատանքային օրերը՝ երկուշաբթի-կիրակի
Աշխատանքային ժամերը՝ 11:00-17:00
Ուրբաթ -կիրակի՝ 11:00-18:00
Էքսկուրսիաների համար գրանցվել նախապես։
Հայերեն էքսկուրսիայի արժեքը 2000 դրամ է։
Անգլերեն/ռուսերեն/ֆրանսերեն Էքսկուրսիայի արժեքը 4000դրամ է:
Մուտքի տոմս - 2000 դրամ։
Աշակերտական, ուսանողական, թոշակառու տոմս՝ 1000 դրամ:
Մինչև 12 տարեկան երեխաների մուտքը անվճար է։
Տոմսը ներառում է երկու թանգարան՝ Գյումրու ժողովրդական ճարտարապետության և քաղաքային կենցաղի թանգարանը և Ս․Մերկուրովի տուն-թանգարանը։